#ENVENSIBREMIX gen tout on istwa ak on lide dèyè l.
Pa gen Rap san batay.
Nou dwe lide sa a Pi Gran Pami nou tout 35 Zile. Se li ki ini nou( Powèt Revòlte, Règleman Afè Popilè ak lòt rapè yo) avèk lide sa. Jan on rapè te di l: nou pa deside fè rap konsyan ou rap blengbleng, nou ap fè on rap ki itil
#ENVENSIB Soti nan moman on pakèt lòt atis ap soti kanaval( byen ke mpa gen anyen kont kanaval an li menm). Sa vle di ENVENSIB pa antre nan demach endistri san strikti a vle enpoze a. #ENVENSIB dire 9 minit 25 segonn, sa montre a klè jan rapè sa yo refize koube yo a nòm endistri a vle enpoze a toujou.
ENVENSIB pa senan yon mizik, se on rasanbleman on ekip jenn ki faistre e ki deside batay ak sa yo gen kòm zam(plim yo)
ENVENSIB pa sèlman rapè yo men se tou on bann moun ki ap batay chak jou nan vi a men yo pa janm tande vwa yo. Moun sa yo nou konnen yo sou non ADERAN. Se gras ak yo si nou ka jwenn fòs pou nou kontinye batay. Yo se sous enspirasyon nou. A chak moun ki pataje, koute e apresye ENVENSIB, mwen wete chapo m douvan nou.
Men wout la long anpil e pi gwo batay yo dèyè toujou.
Kontinye koute ENVENSIB pandan ou ap ret tann dezyèm etap la ki se
"Plan D'attaque" mixtape Kenfs le lyriciste ki ap disponib 5 fevriye 2017.
